21 лютага гімназія адзначала Дзень роднай мовы.

    Быў праведзены шэраг мерапрыемстваў, скіраваных на выхаванне беражлівых адносін да беларускага слова як нацыянальнага скарбу.
    У час правядзення хвілінак інфармацыі, арфаграфічных хвілінак, хвілінак кемлівасці настаўнікамі звярталася ўвага на фанетычныя, лексічныя асаблівасці роднай мовы.

    Падчас правядзення інтэлектуальных гульняў, конкурсаў, віктарын вучні мелі магчымасць праверыць набытыя веды па вучэбных прадметах "Беларуская мова", "Беларуская літаратура", а таксама папрактыкавацца ў вусным маўленні.

    Гімназісты з цікавасцю паспрабавалі сябе ў ролі перакладчыкаў вядомых фільмаў, фрагменты з якіх гучалі па-англійску, па-руску і па-беларуску.